சிங்கம் ஹோட்டல், மதுரை

சிங்கம் ஹோட்டல்:

மதுரையில் இந்த ஹோட்டலை பற்றி தெரியாதவர்கள் யாரும் இல்லை..மதுரை குடிமகன்களுக்கு நல்ல பரிச்சயபட்ட ஒரு சிறந்த ஹோட்டல்..

மதுரை சின்ன சொக்கிகுளம் பகுதியில் நரிமேடு என்ற இடத்தில் இந்தஹோட்டல் அமைந்துள்ளது,மாட்டுதாவணியில் இருந்து சுமார் 4கீ.மி தொலைவில் உள்ளது..இந்த ஹோட்டலின் எதிர்புறம் டாஸ்மாக் அமைந்துள்ளது மற்றுமொறு சிறப்பு..

நண்பர்கள் பிரேம்,கிரண்,கார்திக் அவர்களுடன் இந்த ஹோட்டலுக்கு விஜயம் செய்தோம்..உள்ளே நுழைந்ததும் அதிர்ச்சி.. எல்லா டேபிள்களிலும் சரக்கு அடித்து கொண்டு சாப்பிட்டு கொண்டு இருந்தனர்...மதுரையில இப்படி ஒரு ஹோட்டலா ? திடீரென மனதுக்குள் ஒரு பட்டாம்பூச்சி ...சந்தோசத்தில் காலியாக இருந்த டேபிளில் இடத்தை பிடித்து கொண்டு நால்வரும் உட்கார்ந்தோம்..2 நிமிடங்கள் கழித்து சப்பளையர் வந்தார்..கிளாஸ் போடட்டுமா என்று கேட்டார்..போடுங்க என்று சொல்லியவுடன் ..ஒரு சில்வர் டம்ளரின் உள்ளே சரக்கு அடிக்கும் டம்ளரை வைத்து கொடுதார் கூடவே தண்ணீர்..

பிறகு  புரோட்டா ஆர்டர் பண்ணினோம்..நாங்கள் வைத்து இருந்த சரக்கை கிளாசில் ஊத்தி புரோட்டாவிற்க்கு காத்திருந்தோம்..3 நிமிடத்தில் புரோட்டா & முந்திரி சிக்கன் குருமா வந்தது.. என்ன ஒரு சுவை..இப்படி ஒரு சுவையான புரோட்டா&குருமாவை சாப்பிட்டது முதல் முறை..அதிலும் சரக்கு அடித்து கொண்டு சுவையான உணவு உண்பது என்ன ஒரு பேரானந்தம்..சுவை ரொம்ப பிடித்துபோகவே அடுத்து அடுத்து புரோட்டா,வீச்சு,சிக்கன்,மட்டன் வகைகளை ஆர்டர் செய்து நன்றாக சாப்பிட்டு கொண்டு இருந்தோம்..எல்லா வகை உணவுகளும் இங்கே சிறந்த சுவை கொண்டு இருக்கும்..குடும்பாக சாப்பிடுவதற்கு ஹோட்டலின் வெளியே தனி இடம் உள்ளது..குடிமகன்களுக்கு தனி இடம்..மதுரையில் இப்படி ஒரு இடம் இருப்பது வெளியூர்வாசிகளுக்கு ஒரு ஆச்சரியம்..இதன் நிறுவனர் துரைசிங்கம் அவர்கள் காரைக்குடியை பூர்வீகமாகக் கொண்டவர்..பின்னர் மதுரையில் வந்து இந்த ஹோட்டலை நிறுவினார்..இவரது மறைவிற்கு பிறகு இவரது மகன் இந்த ஹோட்டலை நிருவகித்து வருகிறார்...சிங்கம் என்ற பெயருக்கு ஏற்ப சுவையிலும் இந்த ஹோட்டல் சிங்கமாக திகழ்கிறது..மதுரை சென்றால் கண்டிப்பாக செல்லுங்கள்..சரக்குகளை வெளியில் இருந்து வாங்கி கொண்டு வர வேண்டும்..அங்கு சரக்கு விற்பதில்லை...